lunes, 22 de octubre de 2012

As Médulas de Silvia Bardelás

Elena Eclair, alumna de gallego en Espazo das Linguas en Madrid nos recomienda este título de la escritora Silvia Bardelás.
Dúas parellas en desencontro viven deixándose ir. E a vida, coma se xogase, fai que se encontren nun escenario natural de montañas coma paredes que os obriga a meterse dentro. A moita distancia e por riba deles, un narrador cólleos como personaxes e conta en tempo real os cambios que van sufrindo e a necesidade que se lles vai creando de tomar decisións e deixar de ser autómatas. Para que o amor funcione é necesario sentir que hai algo real fora do eu. E aínda que pareza obvio, non é propio da vida actual. A natureza, funciona coma un espello non corrompido que lles axuda a verse. Un relato intenso para reflexionar sobre o amor no noso tempo.

As Médulas é a primeira novela desta autora galega residente en Madrid, que recentemente publicou a súa segunda Unha troita de pé.

Sara e Flora por unha banda, e Juan e José pola outra, constitúen o referente dos grandes temas que preocupan ao ser humano. Soños, desexos non consumados, paixóns esgotadas, dúbidas non resoltas, ilusións irrenunciables, etc., emerxen ao amparo dunha paraxe montañosa natural que emula a beleza da propia linguaxe utilizada pola autora. (José Manuel Estévez-Saa no Correo Gallego)

No hay comentarios:

Publicar un comentario en la entrada